تارت الموز

طريقة عمل تارت الموز 

تارت الموز واللمة الحلوة ..

فى وصفاتنا النهاردة خطوات سهلة وبسيطة ..

الخطوة الاولة : نحضر 4 باكو بسكويت سادة كبيرة , ربع كوب زبدة 

ونطحنهم مع بعض لحد ما تبقا ناعمة قوى .

بعد ذلك نحضر صنية ونفرد البسكويت المطحون فيها .

الخطوة الثانية : نحضر نص كوب سكر ونحطة على البوتاجاز ونقلبة حتى يتكرمل .

بعد ذلك نضيف علية 1/4 كوب زبدة ونقلبهم كويس وبعدين نضيف كوب لبن 

ونقلب بسرعة ثم نحضر 1/2 كوب لبن مذاب فيها ملعقة كبيرة نشا , 

ثم نضعها على الخليط ونقلبة كويس .

بعد ذلك نقلبة على صنية البسكويت .

الخطوة الثالثة : نحضر 3 موزات ونقطعهم دوائر ونرصها على وش الصنية وبعدين ندخلها 

الثلاجة لحد ما نجهز الطبقة الاخيرة .

الخطوة الرابعة : نضع فى الخلاط باكوا بودرة كريم كراميل وباكو كريم شانتية و2 قطعة جبنة مثلثات 

1/4 كوب لبن ونضربهم كويس فى الخلاط  وبعدين نحطهم على الموز ونرش على وشها 

شيكولاتة مبشورة وصوص الكراميل الموجود فى عبوة الكريم كراميل وندخلها الثلاجة 

لحد ما تجمد .

بالهنا والشفا وهتعجب كل الاسرة .

https://www.facebook.com/dido.dema/

http://fnoonel6abkh.blogspot.com.eg/