اللحمة الباردة

طريقة عمل اللحمة الباردة 

المقادير ..

عرق لحمة تربيانكو من الجزار , راس ثوم متقشرة , حبهان , ورق لورا , 

قرنفل , فلفل , ملح , جوزة الطيب , كرفس , جزرة , ملعقتين زبدة , 

ملعقتين زيت , بقدونس للتزيين .

الطريقة ..

نجيب عرق اللحمة ونعمل فية ثقوب بالسكين ونضع فى كل ثقب فص ثوم  

لحد ما كل العرق يكون محشى بالثوم وبعد كدى نجيب فتلة ونربط 

العرق كلة بيها .

نحضر حلة ونضع فيها الزيت والزبدة ولما يسخن نحط العرق فيها ونعملة صدمة من كل الجواب 

عشان نسد المسام .

بعد ذلك نضيف الحبهان والقرنفل وورق الورا وجوزة الطيب والكرفس والجزرة ,

وبعدين نضع عليها ماء مغلى ونتركها لمدة من ساعة ونص لساعتين 

ولما توصل نص سوى نضيف الملح ونسيبها تكمل سواى .

نتركها لحد ما الماء كلها تنشف ونسيب فيها صوص بسيط .

بعد كدة نخرجها ونسيبها تبرد وبعدين نقطعها طرنشات ,

وناخد الصوص ونضع علية ملعقة دقيق ونضربة فى الميكسر ونحطة على 

النار لحد ما يتماسك .

بعد ذلك يقدم جنب اللحمة .

ونرش على وشها البقدونس للتزيين .

بالهنا والشفا ..

http://fnoonel6abkh.blogspot.com.eg/

https://www.facebook.com/dido.dema/