الفهوة التركية بالكاكاو

طريقة عمل القهوة التركية بالكاكاو 

طعم وريحة جنان 

المقادير والطريقة ..

2 كوب لبن , ملعقة صغيره كاكاو , ملعقتين صغيرتين قهوة تركية ,

 والسكر زى ما نحب نخليهم يغلو .

وتصفى عند التقديم في الكوبايات

وممكن نضربها في الخلاط  

اذا حبينا تكون لها رغوه .

حلى باسكن روبينز

طريقة عمل حلى الباسكن روبينز 

ما أحلاها مع كوب الشاى 

المقادير ..

2 علبة قشطة , علبة حليب مكثف , 6 قطع جبنة كيرى , 2 باكو بسكويت سادة .

الطريقة ..

نحضر قالب ونضع فية قطعة استريتش نايلون ونكسر فية البسكويت وبعدين نضع القشطة
والحليب الكثف والجبنة الكيرى فى الخلاط ونضربهم كويس ,
ثم نضع الخليط على البسكويت لحد ما كمية البسكويت كلها تتغطى بالخليط ,
وبعد ذلك نقفل النايلون على البسكويت وبعدين ندخلة الثلاجة لمدة ساعتين.

بعد ذلك نحضر طبق التقديم ثم نخرج البسكويت من النايلون بعد ذلك نزينة
بالشيكولاتة السائلة والشيكولاتة المبشورة او بصوص الكراميل
زى ما تحبى .
ثم يقطع ويقدم وبالهنا والشفا ..

كوردون بلو الدجاج

طريقة عمل كوردون بلو الدجاج

رولات الدجاج الكوردون بلو الذيذة لكل الأسرة 

المقادير ..

1/2 كيلو صدور فراخ بانية , تركى مدخن , شرائح شيدر ,

 ملح , فلفل , زنجبيل .

الطريقة ..

نضع قطع الفراخ فى طبق ونضع عليها الملح والفلفل والزنجبيل ونقلبهم ونسيبهم شوية , 

بعد ذلك ناخد قطعة من قطع الفراخ ونفردها ونضع فية التركى المدخن وقطع الشيدر 

ونلفها رول ونشبكها بخلة ونقوم بعمل هذة الطريقة لانتهاء قطع الفراخ .

يمكن استبدال التركى المدخن بشرائح البسطرمة .

وممكن نلف على قطع الفراخ من الخارج تركى مدخن .

بعد ذلك نضعها فى دقيق متبل برشة ملح وثوم بودر وبصل بودر وفلفل , 

ثم ندخلها الفريزر 1/2 ساعة وبعدين نخرجها ونضعها فى بيض ثم بقسماط ,

ندخلها الفريزر مرة أخرى من 15 الى 20 دقيقة ,

ثم نحمرها فى زيت غزير وسخن .

تقدم السلطات وصوص المايونيز والكاتشب .

وبالهنا والشفا ...

http://fnoonel6abkh.blogspot.com/

https://www.facebook.com/dido.dema/

القرنبيط باللحمة المفرومة

طريقة عمل القرنبيط باللحمة المفرومة 

يجنن وطعمة روعة 

المقادير ..

قرنبيطة , لحمة مفرومة , ملح , فلفل , عصير طماطم , بصلة مفرومة , 

2 فص ثوم مفروم , زيت , نعناع .

الطريقة ..

نحضر حلة  نضع فيها ماء ورشة ملح وشوية نعناع ناشف ونقطع القرنبيط كل زهرة لوحدها 

ولما الماء يغلى نحط القرنبيط فى الماء ونسلقة وبعد ما يتسلق نصفية ونحط علية ماء بارد .

نحضر حلة أخرى ونضع الزيت وعلية البصل والثوم ولما يدبل البصل نضع اللحمة المفرومة ,

ونضع عليها الملح والفلفل ونسيبها تنزل مايتها وبعد ماتنشف من مايتها نضع عصير 

الطماطم ونسيبها لما تتسبك وبعد ما تتسبك نضع عليها كوب ونص ماء ولما يغلى 

نضع القرنبيط ونسيبة يغلى غلوتين على البوتاجاز من فوق ونظبط ملحة ,

بعد ذلك نحضر صنية او قالب بايركس ونقلب فية القربيط وندخلة 

الفرن ونسيبة لما تجف مايتة شوية وممكن نولع علية الشواية شوية .

يقدم بالعيش وسلطة الزبادى أو الثومية .

وبالهنا والشفا ..

http://fnoonel6abkh.blogspot.com/

https://www.facebook.com/dido.dema/

الهوت شوكليت

طريقة عمل الهوت شوكليت 

لكل محبى الشيكولاتة 

حاجة جنان كل الأسرة هتحبة أطفال وكبار .

المقادير ..

ملعقة كبيرة كاكاو , 2 ملعقة كبيرة شيكلوت شيبس , ملعقة كبيرة لبن بودرة , 

2 ملعقة سكر , 1/2 ملعقة صغيرة نسكافية , كوب لبن حليب .

للتزيين ( شيكولاتة مبشورة او ملعقة كبيرة كريم خفق ) .

الطريقة ..

نحضر اناء ونضع فية الكاكاو والشيكلوت شيبس واللبن البودرة والسكر والنسكافية 

واللبن الحليب ونضع على النار مع التقليب حتى تذوب الشيكولاتة ولما يغلى 

نصبة فى المج ونزينة بالشيكولاتة المبشورة او كريمة الخفق .

هيعجبكووا قوووووى .

http://fnoonel6abkh.blogspot.com.eg/

https://www.facebook.com/dido.dema/

بسكويت الأرز

طريقة عمل بسكويت الأرز 

أحلى بسكويت هش وخفيف مع الشاى  

المقادير ..

كوب أرز مطحون ناعم , كوب دقيق , 3/4 كوب سكر , 1/2 كوب زبدة , بيضة , 

فانيليا , 1/2 ملعقة بيكنج بودر , مربى للتزيين .

الطريقة ..

نضع الزبدة على السكر ونضربهم جامد لحد ما يبقا عامل زى الكريمة بعد كدة نضع البيضة 

والفانيليا ونضربها لحد ما تتجانس البيضة مع الزبدة والسكر .

بعد ذلك نضع عليهم الأرز و الدقيق والبيكنج بودر ونقلبهم على بعض لحد ما يبقا عندى عجينة 

متماسكة اقدر اشكلها .

نحضر صنية وناخذ قطع من العجين ونكورها ونرصها فى الصنية ,

وندخلها الفرن ولما تستوى نخرجها من الفرن ولما تبرد ناخذ كل كورتين ونلزقهم مع 

بعض بالمربى حتى تنتهى الكمية .

وتزيين بالفستق المطحون أو جوز الهند .

بالهنا والشفا ...

كبيبة

طريقة عمل الكبيبة 

المقادير ..

كيلو الاربع لحمة مفرومة , 1/2 كيلو برغل مغسول ومنقوع لمدة ليلة , بصلة كبيرة , 

2 فص ثوم , ملح , فلفل , بهارات , قرفة , زنجبيل , جوزة الطيب ,

( لحمة مفرومة معصجة بدون طماطم للحشو ) .

الطريقة ..

تانى يوم نصفى البرغل من الماء قوى ,

نضع البرغل فى الكبة ونشغل الكبة لحد ما البرغل يبقا ناعم ونضيف علية اللحمة المفرومة

 والبصل و الثوم والملح والفلفل والبهارات ,

والقرفة والزنجبيل وجوزة الطيب حتى يصير الخليط ناعم جدا .

بعد ذلك نشكلة كور ونعملها فراغ من النص ونحشية من العصاج وبعدين نقفلها 

حتى تنتهى الكمية .

بعد ذلك نضعها فى الثلاجة لمدة 1/2 ساعة , 

ثم تحمر فى زيت حامى .

بالهنا والشفا ..

http://fnoonel6abkh.blogspot.com.eg/

https://www.facebook.com/dido.dema/

الفراخ التركية

الفراخ بالطريقة التركية 

طريقة جديدة وحلوة وهتعجبكوا قوى 

المقادير ..

صدور فراخ بانية , 1/4 كيلو لحمة مفروم , كوب أرز بسمتى , 1/2 كوب بسلة ,

جزرة مبشورة , بصلة مفرومة , ثوم مفروم , ملح , فلفل , بهارات , زيت .

الطريقة .

نقوم بدق الفراخ زى البانية ثم نحضر طاسة ونضع فيها الزيت ولما يسخن نضع الفراخ ونرش عليها شوية ملح وفلفل ,

ونشواحها فى الزيت وبعد ما نشوحها ويتغير لونها وتاخد لون دهبى فاتح نطلعا فى طبق على جنب .

نحضر حلة ونضع فيها شوية زيت بعدين نضع البصل والثوم ونقلبهم شوية وبعدين نضع اللحمة المفرومة ,

ولما اللحمة تنزل مايتها نضع عليها البسلة والجزر . 

حلة أخرى نضع ملعقة زبدة وبعدين نضع الارز ونضع علية رشة قرفة ونشوحة

 وبعد ذلك نضع اللحمة المفرومة بالبسلة والجزر,

ثم نضع الفلفل والملح والبهارات ونضع 2 كوب ماء ونسيبة يستوى وبعد مايستوى ,

 ناخد كل قطعة من الفراخ ونحشيها بالأرز واللحمة والبسلة وبعدين نلف قطعة الفراخ رول 

ونشبكها بخلة ونلف كل قطعة فراخ بورقة فويل ونحطها فى صنية وندخلها الفرن لمدة ربع ساعة ,

بعد ذلك نفتح ورقة الفويل ونحمرها تحت الشواية .

ولما تبرد نقطعها ونقدمها مع السلطة .

وبكدة تبقا جاهزة أحلى فراخ تركية .

وبالهنا والشفا .

ملحوظة ممكن تستخدمى الفرخة كاملة ومتقطعة ومخلية من الجلد والعظم .

الغريبة

طريقة عمل الغريبة 

المقادير ..

1 كوب سمن بلدى , 1/2 كوب سكر بودرة , 2 ونص كوب دقيق , 

بياض بيضة , فانيليا , زبيب للتزيين .

الطريقة ..

نضع السمن على السكر ونضربهم كويس جدا لحد ما يبقا خليط كريمى ,

بعد ذلك نضيف بياض البيضة ورشة الفانيليا ونقلبهم مع بعض , 

ثم نضع الدقيق شوية شوية لحد ما تبقا عندى عجينة أقدر أشكلها .

نحضر صنية وناخد قطعة من العجين ونشكلها كور صغيرة ونضع الوسط 

زبيبة او قطعة سكر لولى .

ثم ندخلها الفرن ونسيبها لحد ما تستوى .

وبالهنا والشفا ..

ملحوظة 

ما تبقاش محمرة زى البيتى فور يادوب مستوية فقط .

البريانى بالفراخ

طريقة عمل البريانى بالفراخ 

المقادير ..

2 كوب أرز بسمتى , فرخة مغسولة ومنزوعة الجلد ومقطعة 8 قطع , بصلة كبيرة مبشورة , 

طماطم مقطعة قطع صغيرة , قرن شطة حسب الرغبة , كوب زبادى , زبدة , زيت , 

 بهارات صحيحة - ( حبهان , قرنفل , لورا , قرفة خشب ) , 

بهارات مطحونة - ( زنجبيل , ملعقة كبيرة كركم , ملعقة كبيرة كارى ) , 

ثوم مفروم , ( بسلة , جزر , كسبرة خضرة حسب الرغبة ) ,

ملح , فلفل .

الطريقة ..

 نحضر حلة ونضع فيها البهارات الصحيحة ونسيبها تتحمص لمدة دقيقة وبعدين نضيف عليهم 

شوية زيت وملعقة زبدة وبعدين نضيف الفراخ ونقلبها معاهم لمدة خمس دقائق , 

بعد ذلك نضيف البصل والثوم ونشوحهم مع بعض وبعدين ننزل بالبهارات المطحونة والملح 

ونقلبهم مع بعض حتى يتغير لون الفراخ .

بعد ذلك نضع البسلة والجزر ونقلبهم شوية وبعدين الطماطم والكسبرة الخضراء وقرن الشطة 

 ( هذة الخطوبة اختيارية حسب الرغبة )  

مع التقليب .

بعد ذلك نضع الزبادى ونقلبة وبعدين ننزل بالأرز ونقلبهم شوية ونضع عليهم 

4 كوب ماء أو شوربة لو متاحة ونغطى عليها ولما يغلى نوطى النار علية 

 ونسيبه لحد ما تستوى وبعد ذلك نقلبة فى طبق التقديم .

وبالهنا والشفا ...

http://fnoonel6abkh.blogspot.com.eg/

https://www.facebook.com/dido.dema/

البيتى فور

طريقة عمل البيتى فور 

جامدة قووى وناعم جدا ..

المقادير ..

صفار 6 بيضات , بيضة كاملة , 2 كوب زبدة , ملعقة صغيرة بيكنج بودر , 

2كوب سكر بودرة , فانيليا , دقيق حسب ما تاخد العجينة .

الطريقة ..

نضع الزبدة على السكر ونضربهم جامد قوى لحد ما يبقا عامل زى الكريمة , 

بعد ذلك نقوم بوضع البيض كلة والفانيليا ونضربهم لحد ما البيض يتجانس مع الزبدة والسكر .

بعد ذلك نقوم بوضع الدقيق والبودر شوية شوية لحد ما تظبط عندى قوام العجينة تبقا 

عجينة متماسكة بس مش جامدة قوى .

نحضر صنية ونقوم بتشكيل العجينة بماكينة البيتى فور او الاقماع المخصصة 

لعمل البيتى فور بعدين ندخلها الفرن على درجة حرارة 200 لحد ما يستوى ,

ولما يخرج من الفرن ممكن نقدمة كدة على طول او نحضر مربة 

ونلزق كل اثنين ببعض .

 بالهنا والشفا ...

مشروب الكيت كات الساخن

طريقة عمل مشروب الكيت كات الساخن 

حلو فى الجو البرد يحسسك بالدفئ

المقادير ..

5 أصابع كيت كات , 1 ملعقة صغيرة كاكاو , 1 ملعقة صغيرة نسكافية , 

1 كوب لبن حليب .

الطريقة ..

نضع كل المكونات فى الخلاط ونضربها قوى وبعدين نحطها على النار لحد ما 

تغلى وبعد ذلك نصبها فى المج ونستمتع بأحلى مشروب

كيت كات .

بالهنا والشفا .

معمول بالجبنة الكيرى

طريقة المعمول بالجبنة الكيرى والدقيق الابيض 

طعمة وريحتة حلوة 

ولا أروع ولا أحلى من معمول الجبنة الكيرى 

المقادير ..

2 كوب زبدة لينة , 6 مربعات جبنة كيرى , 1/2 كوب سكر بودرة , 2 ونص كوب دقيق , 

ملعقة صغيرة بيكنج بودر .

الطريقة ..

نضع الزبدة والسكر ونضربهم بالمضرب حتى يصبحوا مثل الكريمة وبعدين نضيف الجبنة 

عليهم ونضربهم لحد ما يبقا عندى خليط ناعم قوى .

وبعدين نضيف الدقيق والبودر ونضربهم لحد ما يبقا عندى عجينة متماسكة
 نقدر نشكلها ونسيبها ترتاح ساعة .

بعد ذلك نحضر قوالب المعمول ناخذ قطعة عجينة ونكورها ونحشيها من النص اى حاجة 

انتى تفضليها وبعدين نقفلها ونحطها فى قالب المعمول ونضغط عليها , 

وبعدين نرصها فى صنية مدهونة وندخلها الفرن لحد ما يستوى .

بالهنا والشفا ..

http://fnoonel6abkh.blogspot.com.eg/

https://www.facebook.com/dido.dema/

خلية النحل

طريقة عمل خلية النحل 

أحلى وأطعم خلية النحل ...

المقادير ..

2 كوب دقيق , ملعقة صغيرة بيكنج بودر , ملعقة كبيرة زبادى , ملح , 

ملعقة كبيرة خميرة , ملعقة كبيرة سكر , 3 ملعقة كبيرة زيت , 

3/4 كوب لبن دافئ . 

الطريقة ..

نحضر طبق صغير ونضع فية الخميرة والسكر والزيت واللبن الدافئ ونتركهم مع بعض لمدة 10 دقايق .

نحضر طبق للعجن ونضع فية الدقيق والبيكنج بودر ورشة الملح والزبادى ونفركهم مع 

بعض .

بعد ذلك نعجن باللبن الى تركناه لمدة 10 دقايق لحد ما تتكون عندى عجينة وبعدين نشكلها 

على هيئة كور ونحشيها سكر وقرفة أو عجوة أو جبنة وبعدين نرصها 

فى صنية مدهونة جنب بعض ونسيبها تخمر فى الصنية .

وبعد ما تخمر ندهن وشها بالبيض ونرشها سمسم .

وندخلها الفرن لحد ما تستوى وتحمر .

بالهنا والشفا ..

http://fnoonel6abkh.blogspot.com/

https://www.facebook.com/dido.dema/

الموكا

طريقة عمل الموكا 

الموكا السخنة لزوم الشتا ..

المقادير ..

ملعقة صغيرة كاكاو , 2 ملعقة كبيرة لبن بودرة , ملعقة كبيرة نسكافية ,

2 ملعقة سكر , كوب ماء مغلى .

الطريقة ..

نحضر مج ونضع الكاكاو واللبن والسكر والنسكافية ونضع علية ملعقتين ماء دافئ , 

ونقلبهم كويس قوى .

بعد ذلك نضيف عليهم الماء المغلى . 

وبالهنا والشفا ..

جميل قوى هيعجبكم .

الزيتون الاسمر المخلل

طريقة عمل الزيتون الاسمر المخلل بالبيت 

أحلى المخللات البيتى ..

المقادير ..

كيلو زيتون أسمر , ملح , ماء .

الطريقة ..

نغسل الزيتون كويس وبعدين نحطة فى طبق ونحضر ماء وندوب فيها ملح وندوقها لحد 

ما نظبط الملح وبعدين ننقع الزيتون فى الماء والملح ونتركة .

 اليوم الثانى نكب مايتة وبعدين ننقعة فى ماء وملح جديد ونكرر هذة الخطوة 

لمدة خمس ايام .

 وفى اليوم الخامس نعبية فى برطمان ونعملة ماء وملح جديد 

ونحطهم علية لحد ما نغطى كمية الزيتون بالماء ونضع على وشة زيت زيتون 

ثم نقفلة كويس ونتركة حتى يستوى .

http://fnoonel6abkh.blogspot.com.eg/

https://www.facebook.com/dido.dema/

كبة الأرز

طريقة عمل كبة الأرز 

المقادير ..

كوب أرز , 2 حبة بطاطس وسط مسلوقة , لحمة مفرومة معصجة من غير طماطم , 

ملح , فلفل وبقدونس .

الطريقة ..

نغسل الأرز ونسيبة منقوع فى الماء لحد ما يبقا لين وطرى وبعد ذلك نصفى 

الأرز من الماء ونهرسة كويس وبعد ذلك نضف علية البطاطس المسلوقة ونعجنهم كويس 

مع بعض لحد ما تبقا عجينة نقدر نشكلها ونضيف عليها شوية ملح  وفلفل .

نحضر عجين البطاطس والأرز وناخد قطعة ونكورها ونعملها فاتحة من النص ونحط 

فيها اللحمة المفرومة المعصجة ونقفلها زى الكبة يا اما نعملها دواير زى ما تحبى .

حتى تنتهى الكمية .

نضعها فى الثلاجة لمدة 1/2 ساعة وبعدين نخرجها ونحمرها فى زيت غزير . 

ونزينها بالبقدونس .

بالهنا والشفا .

ملحوظة 

( ممكن تسلقى الأرز 3/4 سوى - ما نحشيش الكبة الا لما الحشوة تبرد - ممكن قبل التحمير 

نحضر بيضة ونضع علية ملح وفلفل اسمر وننزل فيها الكبة وبعدين نحمرها ) .

http://fnoonel6abkh.blogspot.com.eg/

https://www.facebook.com/dido.dema/

كرات البسكويت بالموز والتوفى

طريقة عمل كرات البسكويت بالموز والتوفى 

المقادير ..

2 باكو بسكويت سادة , موزة , 3 ملعقة كبيرة صوص توفى ,

شيكوتة سايحة للتزيين .

الطريقة .. 

نحضر طبق ونضع فية البسكويت ونكسرة كويس ونضع الموزة ونهرسها مع البسكويت ,

وبعدين نضيف صوص التوفى ونقلبهم مع بعض لحد ما تجانس كلة مع بعضة .

بعد ذلك نشكل الخليط كور وبعدين ناخد كل كورة ونغرقها فى الشيكولاتة 

السايحة ونرش عليها فيرميسال وبعد الانتهاء من كل الكمية ندخلها الثلاجة لمدة ساعة .

ملحوظة .

يمكن استبدال الشيكولاتة بشيكولاتة النوتيلا .

بالهنا والشفا ..

http://fnoonel6abkh.blogspot.com.eg/

https://www.facebook.com/dido.dema/

أرز الريزو

طريقة عمل أرز الريزو 

طعمة وريحة جنان

جربوة تحفة .

المقادير ..

كوب أرز بسمتى , 2 ملعقة كبيرة سكر , بصلة متوسطة مفرومة , 1/2 ملعقة صغيرة بابريكا , 

ملح , 1 ونص كوب شربة . 

الطريقة ..

نضع حلة ونضع فيها السكر ليتكرميل وبعدين نضع علية الشوربة .

نحضر حلة اخرى ونضع الزيت ونضع علية البصل المفرومة ونشوحها بعد ذلك 

نضع عليها الأرز ونقلبهم كويس مع بعض , ثم نضيف عليهم الملح والبابريكا ونقلبهم وبعدين 

نحط عليهم السكر المكرمل بالشوربة ولما يغلى نهدى النار ونسيبه يستوى .

لعمل صوص الباربكيو.

2 ملعقة كبيرة صوص باربكيو , 1/4 ملعقة قرفة ناعمة , 1/4 ملعقة ثوم بودر , 

1/4 ملعقة بصل بودر , 1/4 ملعقة بابريكا , 4 ملعقة كبيرة عسل ابيض ,

ملعقة صلصلة طماطم , ملح .

نضع العسل على النار ونسيبة يغلى ويشقر لونة قليلا وبعد ذلك نضيف صوص الباربكيو 

والصلصة والقرفة والملح والثوم والبصل البودر و البابريكا نسيبهم على النار لحد 

مايغلو .

نحضر طبق التقديم ونغرف فية الأرز ونضع على وش الأرز صوص الباربكيو 

والفراخ المقرمشة .

بالهنا والشفا ..

http://fnoonel6abkh.blogspot.com.eg/

https://www.facebook.com/dido.dema/

استيك استراجانوف

طريقة عمل استيك استراجانوف

طريقة مختلفة لعمل اللحمة 

المقادير ..

1/2 كيلو استيك مقطع زى الشاورما , بصل مقطع صغير , 5 حبات مشروم مقطعين , 

فلفل الوان مقطع قطع طويلة , مكعب مرقة , ملعقة كبيرة مستردة , ملح , فلفل , 

ملعقة سمنة , بقدونس للتزيين و 1/2 كوب كريمة طبخ . 

الطريقة ..

نضع حلة على النار ونضع فيها السمنة ولما تسخن نضع البصل ونشوحة لحد ما يدبل ,

بعد ذلك نضع اللحمة ونشوحها مع البصل ونسيبها تنزل مايتها وبعدين نضف لها 1/4 كوب ماء ,

وقبل ما تنشف من الماء شوية نضع المشروم والفلفل الالوان , بعد ذلك نضيف مكعب المرقة وشوية ملح 

مش كتير عشان المرقة فيها ملح وفلفل اسمر ونقلبهم شوية ثم نضيف ملعقة المستردة ونقلبها شوية ونسبها 

حوالى خمس دقايق على نار هادية عشان كلة يتجانس مع بعضة .

بعد ذلك نضف الكريمة ونسيبها على حوالى 10 دقايق وبكدة تبقا جاهزة 

ونقوم بتزينها بالبقدونس حسب الرغبة .

وتقدم مع المكرونة أو أرز .

وبالهنا والشفا .

http://fnoonel6abkh.blogspot.com.eg/

https://www.facebook.com/dido.dema/