سلطة الثومية

سلطة الثومية 

ما احلى الاكل مع سلطة الثومية .

المقادير ..

1 حبة بطاطس مسلوقة , 1 ملعقة كبيرة مايونيز , عصير ليمون , ملح , 

فلفل , 1 ملعقة كبيرة ثوم بودر ويمكن استبدالة بفصين ثوم .

الطريقة ..

نقوم بهرس البطاطس كويس مع المايونيز والثوم واليمون 

والملح والفلفل لحد ما يبقا شكلها زى الكريمة .

ونزينها بشوية بقدونس .

وبالهنا والشفا ..

https://www.facebook.com/dido.dema/

http://fnoonel6abkh.blogspot.com.eg/

الجمبرى بالثوم والجبنة الفيتا

طريقة عمل الجمبرى بالثوم والجبنة الفيتا 

طريقة حلو وجميلة للجمبرى .

المقادير ..

3 ملاعق كبيرة زيت , 6 فصوص ثوم مفروم , 1/2 كيلو جمبرى جامبو , 

1/8 كيلو جبنة فيتا مقطعة مكعبات , فلفل اخضر حامى مقطع شرائح , 4 ثمرة طماطم مقشرة ومفرومة , 

4 ملاعق كبيرة عصير طماطم , بقدونس مفروم , ريحان طازة مفروم , فلفل اسمر .

الطريقة ..

اولا - نقوم بغسل الجمبرى ونشيل راسة و القشرة ونسيب الذيل .

نحضر طاسة ونضع فيها الزيت ولما يسخن نضع الثوم ونقلبة لمدة دقيقة ثم نضع الجمبرى 

ونشوحة لمدة 3 دقائق حتى يتحول الى لون وردى , ثم نشيل الجمبرى فى طبق ونتركة على جنب .

نفس الطاسة نضع الجبنة الفيتا والفلفل الاخضر , الطماطم وعصير الطماطم والريحان والبقدونس ,

ثم نقلب الخليط كويس لمدة من 8 : 10 دقائق حتى يتكاثف السائل قليلا ثم نرش فلفل اسمر ,

ثم نضع الجمبرى على الخيلط ونقلبه لمدة دقيقتين .

ويقدم مع سلطة الطحينة .

وبالهنا والشفا ..

http://fnoonel6abkh.blogspot.com.eg/

https://www.facebook.com/dido.dema/

الفراخ بالكاجو والخضار

طريقة عمل الفراخ بالكاجو والخضار 

المقادير ..

1/2 كيلو صدور فراخ مخلية مقطعة الى شرائح طويلة , فلفل اخضر مقطع شرائح , وفلفل احمر مقطع شرائح , 

جزرة مقطعة شرائح , 1/2 كوب كاجو , 1/4 كوب زيت , 1/4 كوب صويا صوص ,

1/2 ملعقة بيكربونات الصودا , ملعقة كبيرة زنجبيل فريش , 3 فصوص ثوم مفروم ناعم , 

مكعب مرقة دجاج , كوب ماء , ملعقة كبيرة دقيق , بصلة مقطعة قطع صغيرة , ملح , فلفل .

الطريقة ..

نضع الصويا صوص على بيكربونات الصودا ونقلبهم على بعض ثم نضع قطع الدجاج عليهم 

وننقعها فى الخليط لمدة ساعة .

نحضر طاسة ونضع فيها زيت ثم نقوم بوضع الكاجو لتحميصة ,

بعد ذلك نقوم بتصفية الكاجو من الزيت ونضعة على جنب .

فى نفس الطاسة نضع البصل والثوم والجزر والزنجبيل والفلفل الاخضر والاحمر 

ونقلبهم لمدة 5 دقائق , ثم نقوم بتصفيتهم من الزيت ونضعهم على جنب .

فى نفس الطاسة نضع شوية زيت وبعد ان يسخن جيدا نضع 

قطع الدجاج ونقلبهم كويس لمدة 10 دقائق ثم نقوم بوضع الخضار المحمص مسبقا 

عليها ونقوم اذابة مكعب الدجاج فى كوب الماء ونضع عليهم ملعقة الدقيق 

والملح والفلفل ونقلبهم كويس ونضعة فوق الدجاج والخضار ونقلبهم كويس 

حتى يتماسك الخليط وتتغلف قطع الدجاج والخضار بالصلصة .

بعد ذلك يضاف الكاجو ويقلب جيدا ثم يقدم ساخن مع الارز الابيض .

ملحوظة يمكن استبدال الكاجو باللوز او الاستغناء عنهم .

http://fnoonel6abkh.blogspot.com.eg/

https://www.facebook.com/dido.dema/

بالهنا والشفا ...

سلطة مقرمشة

طريقة عمل السلطة المقرمشة 

المقادير ..

خس , بطاطا , جزر , كوسة مقطعين مكعبات ,

مستردة , خل , ليمون , زيت زيتون , زعتر ,

قطعة ثلج , فلفل اسمر .

الطريقة ..

اولا - نحمر قطع الكوسة والبطاطا والجزر .

ثانيا - نخلط المستردة مع الخل واليمون وزيت الزيتون والفلفل والملح والزعتر,
ثم نضع قطعة ثلج على الخليط ونتركهم على جنب .
بعد الانتهاء من تحمير البطاطا والجزر والكوسة نضعهم على الخس ,
ثم نضع عليهم خليط المستردة ونقلبهم كويس .

ملحوظة ..
يمكن استبدال البطاطس بدل البطاطا .

وبالهنا والشفا ..

http://fnoonel6abkh.blogspot.com.eg/

https://www.facebook.com/dido.dema/

السينابون

طريقة عمل السينابون 

المقادير ..

2 ونصف كوب دقيق , كوب زبادى , 1/2 كوب لبن , ملعقة خميرة , 

ملعقة بيكنج بودر , 3 ملاعق سكر , ملعقة صغيرة ملح , 3 ملاعق زيت , 

( سكر , قرفة ) للحشو , ملعقة زبدة , حليب مكثف , عين جمل .

الطريقة ..

اولا - نضع الزيت واللبن والزبادى مع بعض ونضربهم جيدا .

ثانيا - نحضر الدقيق ونضعة فى طبق ونضع علية السكر , الملح , البيكنج بودر , 

الخميرة ونقلبهم بعد ذلك نضع عليهم خليط اللبن والزيت والزبادى ونقلبهم ونعجنة لحد ما 

يبقى عجينة ونتركة يخمر .

بعد ذلك نفرد العجين على شكل مربع بسمك 2 سم وبعدين ندهن الزبدة على العجينة 

كلها وبعدين نرش السكر والقرفة ونلفها رول وبعدين نقطعها دوائر .

ثم نقوم برصها فى الصنية ونسيب مسافة بين كل واحدة والثانية عشان هنسيبها 

تخمر تانى .

بعد ذلك نسخن الفرن وندخلها الفرن لحد ماتستوى .

ولما نطلعها نضع على وشها حليب مكثف وعين وجمل .

وبالهنا والشفا ..

http://fnoonel6abkh.blogspot.com.eg/

https://www.facebook.com/dido.dema/

طاجن لسان العصفور بالكبد والقوانص

طريقة عمل لسان العصفور بالكبد والقوانص .

المقادير ..

كيس لسان العصفور , 1/2 كيلو كبد وقوانص مقطعة قطع صغيرة ,

ملح , فلفل , ورق لورا , حبهان , شوربة , بصلة مبشورة ,

فصين ثوم .

الطريقة ..

اولا - نغسل الكبد والقوانص جيدا بالماء والخل وبعد ذلك 

نحضر طاسة ونضع قطعة زبدة ونشوح البصل والثوم ثم 

نضع الكبد والقوانص ونشوحها ونضع 1/4 كوب ماء 

وملح وفلفل ورقة لورا وحبهان ونتركها تستوى .

ثانيا - نحضر حلة ونضع بها العصفور ونحمرة وبعدين نضع مقدار الشوربة والملح ,
الفلفل , ورق لورا , فصين حبهان ونعطية ونسيبه يستوى ولما يستوى
نغرفة ونحط علية الكبد والقوانص .

بالهنا والشفا ..
https://www.facebook.com/dido.dema/
http://fnoonel6abkh.blogspot.com.eg/

البطاطس المحشية باللحمة المفرومة

طريقة عمل البطاطس المحشية باللحمة المفرومة .

المقادير ..

كيلو بطاطس صغيرة , 1/2 كيلو لحمة مفرومة معصجة , جبنة 

مبشورة , 3 ملاعق زيت .

الطريقة ..

 اولا - نجهز العصاج ( بصلة مبشورة ونشوحها فى 2 ملعقة سمنة ,

نحط عليها اللحمة المفرومة ونقلبها ونحط عليها الملح , الفلفل , جنزبيل 

وبهارات لحمة ونسيبها تنزل مايتها وبعدين نحط عصير الطماطم 

ونسيبها لما تتعصج .

ثانيا - نحضر البطاطس ونقشرها ونغسلها وبعدين نقورها وبعدين 

نغسلها تانى .

نحضر طاسة ونضع بها زيت ولما يسخن نضع البطاطس ونشوحها 

لحد ما تاخد لون ذهبى , بعد ذلك نخرجها ونضع قطع البطاطس 

الخارجة من التقوير ونشوحها ايضا .

بعد ذلك نضع قطع البطاطس الخارجة من التقوير نضعها فى ارضية الصنية 

ثم ناخذ البطاطس المقورة ونحشيها بالعصاج ونبدا نرصها واحدة 

جنب الاخرى حتى تنتهى الكمية .

بعد ذلك نضعها على البوتجاز و1/2 عصير طماطم مع كوب شوربة ونسيبها 

تغلى .

ندخلها الفرن تكمل سواها ويحمر وشها .

وبكدة تبقا جاهزة .

يمكن بعد ذلك وهية سخنة نرش على وشها جبنة مبشورة .

وبالهنا والشفا ...

https://www.facebook.com/dido.dema/

http://fnoonel6abkh.blogspot.com/

كرات الارز البسمتى المحشية بالجبنة

طريقة عمل كرات الارز المحشية ..

المقادير ..

2 كوب ارز بسمتى مسلوق , ثوم مهروس , بصل مفروم ناعم , زبدة , 

طماطم مقطعة مكعبات , عصير طماطم , 2 بيضة , 2 ملعقة دقيق ,  

مكعب مرقة دجاج , حبهان , بقسماط جبنة للحشو ( اى نوع تفضلية ) .

الطريقة ..

اولا - نضع الزبدة وعليها البصل , الثوم , ومكعب المرقة , وفص حبهان ونشوحة 

كويس وبعد ذلك نضع الارز ونقلبهم مع بعض لمدة 5 دقائق .

ثانيا - نضع الارز المشوح فى طبق ونضع علية البيضتين وملعقتين الدقيق ونقلبهم كويس 

حتى يتجانسوا مع بعض .

بعد ذلك ناخذ الارز ونكوره كور صغير ونفتحها من النص زى الكوبيبة ونحشيها جبنة .

بعد ذلك نضعها فى البقسماط ونتركها ربع ساعة وبعدين نحمرها فى زيت سخن وغزير .

لعمل الصوص ..

نضع فى طاسة 2 ملعقة زبدة ونضع عليهم الثوم والبصل ونشوحهم ثم نضيف عصير 

الطماطم وقطع الطماطم ونضع عليها الملح والفلفل ونتركها تتسبك .

بعد ذلك تقدم مع كرات الارز .

ملحوظة ..

يمكنك استبدال الارز البسمتى بالارز المصرى .

واستبدال الجبنة باى نوع حشو تحبية .

وبالهنا والشفا ...

https://www.facebook.com/dido.dema/

http://fnoonel6abkh.blogspot.com/

البيض الاسكتلندى

طريقة عمل البيض الاسكتلندى .

المقادير ..

كيلو لحمة مفرومة , 2 بصلة مبشورة , بقدونس مقطع ناعم , ملح , فلفل , 

توابل لحمة , 2 ملعقة كبيرة بقسماط , بيض مسلوق حسب العدد . 

للتبطين ( دقيق , بيض , بقسماط ) . 

الطريقة .. 

نحضر طبق ونضع فية اللحمة , البصل , البقدونس , ملعقتين البقسماط ,

الملح , الفلفل , وتوابل اللحمة ونقلبهم كويس وبعد ذلك نحضر البيضة المسلوقة 

ونبطنها باللحمة المفرومة على شكل كورة .

ونقوم بتكرار هذة الخطوة الى ان تنتهى كمية البيض , 

نحضر كور اللحمة بعد ذلك نضعها فى الدقيق ثم البيض المخفوق ,

ثم البقسماط ونتركها فى الثلاجة 1/2 ساعة .

بعد ذلك تحمر فى زيت غزير وساخن .

ملحوظة ..

ممكن بدل تحميرها بالبيض والبقسماط ان نقوم بوضع كل كورة فى ورقة 

فويل ونلفها كويس ونضعها فى حلة بها ماء مغلى ونتركها لمدة 

ساعة تغلى على البوتاجاز وبعد ذلك نخرجها من ورق الفويل 

ونسيبها تبرد شوية ونحمرها بملعقتين زبدة وملعقتين زيت .

وتزين بالبقدونس .

بالهنا والشفا ..

https://www.facebook.com/dido.dema/

http://fnoonel6abkh.blogspot.com/

البليلة باللبن والمكسرات

طريقة عمل البليلة باللبن والمكسرات ..

المقادير ..

بليلة , لبن , مكسرات .

الطريقة ..

نحضر الغلة ( البليلة ) ونغسلها كويس وننقعها فى ماء 

ليلة كاملة .

ثاتى يوم نفضى الماء ونضع لها ماء ثانى واضعها على 

البوتاجاز واتركها حتى ان تستوى وتفتح عندك 

وبكدة تصبح جاهزة . 

نقوم بغلى اللبن ونحلية بالسكر ثم نضع البليلة 

فى طبق تقديم وعليها اللبن واضفلها المكسرات 

وجوز الهند والزبيب وممكن رشة قرفة .

بالهنا والشفا ..

https://www.facebook.com/dido.dema/

http://fnoonel6abkh.blogspot.com/

لكل امراة حامل 4

نصائح ومعلومات تهم المراة الحامل ..

A_ اهمية السمك للمراة الحامل .

فهو غنى بالاوميجا 3 , اليود , الفسفور , البوتاسيوم و الزنك .

فهناك انواع معينة من الاسماك مسموح تناولها للمراة الحامل ,

لانها تحتوى على كمية اقل من غيرها من الزنك 

( الجمبرى , الكابورية , السالمون , السمك البلطى ) 

فالسمك قد يقلل من مخاطر الولادة المبكرة , 

السمك ايضا مفيد للقلب فهو مفيد لقلب الام و قلب الجنين 

الذى مازال فى مراحل النمو .

تناول السمك فى فترة الحمل فان الام تنجب طفل 

بصحة ووزن افضل من طفل المراة التى لا 

تتناول السمك لذلك يجب على المراة الحامل 

تناول وجبة سمك او وجبتين فى الاسبوع .

B_ الكلف واسمرار الجلد عند المراة الحامل .

فهى مشكلة كل مراة حامل الا انها تزول من بعد الولادة 

وعودة مستوى الهرمونات لطبيعتها فلا يجب ان 

تستخدمى كريمات التفتيح وانصحك باستخدام 

المكونات الطبيعية لتفتيح البشرة .

مثل خليط الليمون والعسل او

معجون من اللبن البودرة بماء الوردة .

C_ يرى الاطباء ان افضل وضع لنوم المراة الحامل 

هى ان تنام على جانبها الايسر مع ثنى الركبة قليلا 

وذلك حتى يقل الضغط على الرحم 

ويقل الضغط على الجنين , وعلى الاعضاء

الداخلية الاخرى .

شكرا لكم واتمنى للجميع صحة ودوام الحال ...

https://www.facebook.com/dido.dema/

http://fnoonel6abkh.blogspot.com/

لكل امراة حامل 3

نصائح و معلومات تهم المراة الحامل ...

A_ لكل مراة حامل تعانى من الحموضة وهى من الاشياء 

 المؤلمة عند الحامل .

فعليك تناول ( الخيار , الزبادى , مضغ اللبان , اللبن الرايب , الحمص , 

البطيخ , الموز , الرمان , وشرب ) 

وشرب كمية كبيرة من الماء .

كل هذة الاشياء تقلل من الحموضة .

B_ الشعور بالغسيان والقئ اذا كنتى تصابين بهذة الاعرض فى فترة 

الحمل فاليكى الحل .

- لا يجب عليكى التوتر .

-  غالبا يكثر الغسيان فى فترة الصباح 

فيجب عليكى الا تقومى من الفراش مباشرة 

انتظرى قليلا .

- وضعى بجوارك قطع من البسكويت وكليها 

عندما تستيقظى .

- ولا تكثرى الاشياء المسكرة بشدة .

https://www.facebook.com/dido.dema/

http://fnoonel6abkh.blogspot.com/

لكل امراة حامل 2

نصائح و معلومات تهم المراة الحامل ...

 A- يجب على المراة الحامل تناول الغذاء الصحى الذى 

يمدها بالعناصر الضرورية لصحتها وصحة الجنين 

ومن هذة الاغذية ..

1- الفاكهة 

2- الالبان ومشتقاتها 

3- الخضروات 

4- الحبوب الكاملة ( الشوفان , العيش الاسمر ( البلدى)  )

5- عصير البرتقال 

6- المكسرات .

B- التمر من الانواع الهامة والمفيدة للحامل وذلك 

بسبب احتوائة على العديد من العناصر المغذية 

للام وللجنين ولكن لايجب تناولة ولاكثار منة فى

بداية الحمل ولكن ينصح باكلة من بداية 

الشهر التاسع لانة يساعد على تسهيل 

عملية الولادة فهو ينشط عضلات 

الرحم .

https://www.facebook.com/dido.dema/

http://fnoonel6abkh.blogspot.com.eg/

لكل امراة حامل

نصائح و معلومات تهم المراة الحامل 

1 - يجب على المراة الحامل تناول حمض الفوليك لتجنب حدوث 

تشوهات للجنين وهو موجود فى .

- العدس 

- الفاصوليا الحمرا 

- البروكلى 

- الافوكادو 

- عصير البرتقال 

- الخضروات الورقية مثل ( السبانخ , الكرنب , اللفت )

- عصير الطماطم الذى يحتوى ايضا على الحديد والفيتامين C

2 - لا يجب على المراة الحامل شرب الشاى , 

القهوة , المشروبات الغازية بكميات كثيرة لانها تسبب الحموضة .

https://www.facebook.com/dido.dema/

http://fnoonel6abkh.blogspot.com/

التراميسو

طريقة عمل حلوى التراميسو 

سهلة وسريعة ولذيذة .

المقادير ..

4 باكو بسكويت سادة اى نوع تفضلية , 2 ملعقة صغيرة نسكافية بلاك , 

علبة لبن مكثف , كيس كريم شانتية , 1/2 كوب ماء ساخن , كاكاو .

الطريقة ..

اولا..

نحضر طبق صغير نضع فية النسكافية والماء ونقلبهم .

ثانيا ..

فى اناء اخر نضع الكريم شانتية مع اللبن المكثف ونضربهم 

مع بعض كويس .

نحضر قالب بايركس ونحضر البسكويت وناخد واحد واحدة ونغرقها 

فى النسكافية وبعدين نرصها فى الصنية لحد ما نغطى قاع 

الصنية بالبسكويت .

بعد ذلك ناخد من خليط الكريمة المحضر مسبقا ونغطى طبقة البسكويت كلها ,

بعد ذلك نكرر نفس الطريقة السابقة , ناخد البسكويت ونضعة فى 

النسكافية حتى نعملة طبقة اخرى من البسكويت ,

ثم نفرد علية مرة اخرى شوية كريمة ونغطى بها البسكويت .

حتى تنتهى كمية البسكويت , واخر طبقة تكون كريمة مفرودة على وش البسكويت .

بعد ذلك نرش على وشها كاكاو وندخلها الثلاجة لتقدم باردة .

بالهنا والشفا ..

http://fnoonel6abkh.blogspot.com/

https://www.facebook.com/dido.dema/

معجنات محشية

معجنات محشية 

حاجة حلوة وبسيطة ..

المقادير ...

3 كوب دقيق , 1/2 كوب سمنة , 1/2 ملعقة خميرة , رشة ملح , 

رشة سكر , سمسم , حبة بركة , لبن رايب للعجن , بيضة لدهن الوش . 

الطريقة ...

نحضر طبق ونضع بة الدقيق والخميرة والسمسم والملح والسكر.

نحضر طاسة ونسيح فيها السمن ونقدحها وبعدين نضعها على 

الدقيق ونفركها لحد ما الدقيق يشرب السمنة .

بعد ذلك نعجنها باللبن الرايب لحد ما تبقى عجينة نقدر نشكلها .

نتركها ترتاح وتخمر بعد ذلك نفردها و نحشيها بالجبن والزعتر 

او بالعجوة او باى حاجة تحبيها .

نرصها فى الصنية ونتركها ترتاح 1/2 ساعة 

بعد ذلك ندهن وشها بالبيض ونحط علية حبة البركة والسمسم 

وندخلها الفرن لحد ماتستوى تحمر .

وبالهنا والشفا ..

http://fnoonel6abkh.blogspot.com/

https://www.facebook.com/dido.dema/

القلقاس بالخضرة

القلقاس بالخضرة .

المقادير ...

1/2 كيلو لحمة , جزرة , بصلة , قلقاس مقشر ومقطع مكعبات صغيرة ومغسول كويس , 

حبهان , ورق لورا , ملح وفلفل .

لعمل الخضرة : حزمة كزبرة وراس ثوم صغيرة .

الطريقة ..

اولا لعمل الخضرة - نضع فى طاسة 2 ملعقة صغيرة سمنة 

ثم نضع الثوم المقشر وحزمة كزبرة مقطعة , ونقلبها لحد 

ما تتحمص معاكى ونطفى عليها ونحطها فى كبة الخلاط 

ونطحنها لحد ما تنعم معاكى وبكدة تبقا جاهزة للقلقاس .

نحضر حلة كبيرة ونضع فيها ماء وبصلة والجزرة وورق اللورا 

والحبهان لحد ماتغلى وبعد كدة نحط اللحمة ونسيبها لحد ما تبقا 

3/4 سوى , وبعد كدة نضيف 2 ملعقة عصير طماطم 

ونسيبها تغلى شوية مع اللحمة والشوربة .

بعد ذلك نضع القلقاس لحد مايستوى ونضيف الملح والفلفل .

وبعد ان يستوى القلقاس نضيف الخضرة المحضرة سابقا 

ويترك يغلى غلوتين مع القلقاس .

ملحوظة ..

يمكن استبدال اللحمة بالفراخ .

نصيحة ..

ممكن ندق شوية كزبرة خضرة وفصين ثوم ونضيفهم على القلقاس

وهو بيستوى بيدوا ريحة وطعم جميلة قوى .

بالهنا والشفا ...

https://www.facebook.com/dido.dema/

http://fnoonel6abkh.blogspot.com/

شوربة العدس

شوربة العدس 

المقادير ..

عدس , بصلة كبيرة مقطعة , 5 فصوص ثوم , جزرة , 1 حبة بطاطس ,
2 ثمرة طماطم مقطعة , ملح , فلفل , كمون , شطة .

الطريقة ...
نقوم بغسل العدس جيدا ثم نحضر حلة كبيرة ونحط فيها العدس والبصل والثوم
والجزر والبطاطس والطماطم كله مقطع ونضيف ماء ولو عايزة
تضيفى مرقة براحتك ونغطى الحلة وبعد ان يستوى نضعة فى
الخلاط ونضربة كويس جدا .
نحضر حلة ونضع بها 2 ملعقة زبدة ونحمر شوية شعرية
وبعد ذلك نضيف عليهم الشوربة لحد ما الشعرية تستوى
ونحط الملح والفلفل والكمون والشطة حسب الرغبة
وتقدم ساخنة .
وللتزيين نحمر بصل ونضيفة على الوش ..

بالهنا والشفا ..
https://www.facebook.com/dido.dema/
http://fnoonel6abkh.blogspot.com/

مكرونة بالفراخ

طريقة عمل مكرونة بالفراخ . 

اكلة حلوة وسريعة 

المقادير ...

فراخ بانية مقطعة مكعبات , بصلة متوسطة مبشورة , 3 فصوص ثوم مهروس ,

3 طماطمات مبشورة , ملح , فلفل , بهارات , فلفل الوان , زيتون مقطع , 

جبنة مبشورة , كيس مكرونة .

الطريقة ..

نحضر طاسة ونضع بها زبدة ثم نضع البصل والثوم ونشوحهم 

بعدين نضيف الفراخ ونقلبها معاهم ونحط الملح والفلفل والبهارات 

ونسيبها تنزل مايتها وتستوى نصف سوى . 

ثم نحط الطماطم المبشورة ونسيبها تتسبك والفراخ تكمل سواها 

وبعد ذلك نضيف الفلفل الالوان والزيتون والجبنة .

نكون سالقين المكرونة ونضفها على الفراخ ونقلبها 

ثم تقدم للاكل سخنة .

وبالهنا والشفا ..

http://fnoonel6abkh.blogspot.com/

https://www.facebook.com/dido.dema/

الميلك شيك بالشيكولاتة

طريقة عمل الميلك  شيك 

بالشيكولاتة .

المقادير ..

1/2 كوب لبن , ا كوب ايس كريم فانيليا , بسكوت اوريو او بوريو , 

شيكولاتة سايحة .

الطريقة ...

نضع الايس كريم واللبن والبسكويت وشوية من الشيكولاتة 

فى الخلاط وبضرب جيدا .

نحضر كاس ونضع على جوانية شوية من الشيكولاتة السايحة .

نصب الخليط فى الكاس ونضع على الوش 

شوية من البسكويت المطحون .

https://www.facebook.com/dido.dema/

http://fnoonel6abkh.blogspot.com/